Il ENNHRI è l’uniun da tut las instituziuns naziunalas per ils dretgs umans da l’Europa (INDU) cun actualmain 30 commembers cumplains, otg commembers senza dretg da vuschar ed otg commembers associads.

Ils 9 d’october 2023 ha ina delegaziun da la suprastanza da la ISDU prendì part a la radunanza annuala dal ENNHRI a Bruxelles nua che la ISDU è vegnida retschavida da maniera fitg cordiala. La ISDU ha era fatg part a las festivitads per il giubileum da diesch onns dal ENNHRI ils 10 d’october 2023.

Il ENNHRI collia e rinforza las INDU en Europa. El publitgescha posiziuns davart temas dals dretgs umans per mauns da gremis europeics sco il Cussegl d’Europa e porscha resursas d’emprender  davart differents temas dals dretgs umans. Instituziuns naziunalas per ils dretgs umans fundadas da nov sustegna il ENNHRI tar il svilup e tar l’accreditaziun tras la Global Association of National Human Rights Institutions (GANHRI).

La ISDU ha en mira il status da commember cumplain dal ENNHRI; quel po ella dumandar apaina ch’ella è accreditada tras la GANHRI.